Պարզեցնել շինարարական թույլտվությունների տրամադրման գործընթացը․ հանձնարարական

Կառավարության այսօրվա նիստում վարչապետ Կարեն Կարապետյանը հանձնարարական տվեց շինարարական թույլտվությունների տրամադրման կատարելագործման վերաբերյալ։ Նա հանձնարարեց պարզեցնել այդ ոլորտում վարչարարությունը և բարձրացնել մատչելիության աստիճանը։ Այդ ոլորտում կան մի շարք խնդիրներ, որոնք բացասաբար են անդրադառնում շինարարության ոլորտի վրա։

Օրենսդրության համաձայն` նշված թույլտվությունները տրամադրվում են ՏԻՄ-երի կողմից, բայց դրանց տրամադրման նորմատիվային համակարգը, ըստ վարչապետի, պետք է լինի հստակ և կանխատեսելի, իսկ կայացվող որոշումները՝ տրամաբանված։

Վարչապետը հանձնարարեց տարածքային կառավարման նախարարին, քաղաքաշինության պետական կոմիտեի նախագահին և առաջարկեց Երևանի քաղաքապետին` երկամսյա ժամկետում մշակել շինարարական թույլտվությունների գործընթացի պարզեցման հստակեցման, էլեկտրոնային գործիքների ներդրման, ողջամիտ վերահսկողական մեխանիզմներ մշակելու վերաբերյալ առաջարկություններ։