Ինչու ամեն մարդ գոնե մեկ անգամ պետք է այցելի Երևան. պատմում է ռուսական պարբերականը

Վերջերս Հայաստան  էր այցելել  հոլիվուդյան լեգենդար դերասան, պրոդյուսեր, ռեժիսոր, սցենարիստ Ջոն Մալկովիչը: 
Լրագրողների հետ զրույցում Մալկովիչը խոստովանել էր, որ անհամբերությամբ է սպասել այդ ճանապարհորդությանը. գրում է «Hello! Россия»-Hellomagazine պարբերականը:

Պարբերականը որոշել է պատմել` ինչն է այդքան գրավել Մալկովիչին Երևանում, և ինչու ամեն մարդ իր կյանքում գոնե մեկ անգամ պետք է այցելի այդ քաղաքը:

Պարբերականի ուշադրությունը գրավել է Հայաստանի յուրահատուկ ճարտարապետությունը: Կասկադ, Մատենադարան, «Մայր Հայաստան» արձան, Օպերային թատրոն, Ծիծեռնակաբերդի հուշահամալիր. սրանք այն հիմնական վայրերն en, ուր խորհուրդ է տրվում այցելել օտարերկրյա հյուրերին:

Պարբերականը նշում է, որ Հայաստանում շատ ջազ-ակումբներ կան, որոնցից ամենահայտնին Malkhas Jazz Club է:

Երևանի երկրորդ առանձնահատկությունը, ըստ պարբերականի, խոհանոցն է, որը հրաշալի կերպով արտացոլում է երկրի բնակիչների բնույթը. նույնքան հակասական, բազմազան, տուրք տվող ավանդույթներին՝ միևնույն ժամանակ չհրաժարվելով ժամանակակից խոհանոցից:

Նշվում է, որ Հայաստանի խոհանոցն ավելի շատ մսային է` խորոված, տոլմա, սուջուխ, խաշ:

Հայկական սև սուրճը, նռան և խաղողի գինին ու կոնյակը ևս մեկ պատճառն են Հայաստան այցելելու համար։

Եվ վերջում պարբերականը Հայաստան այցելած օտարերկրացիներին խորհուրդ է տալիս անպայման այցելել Սևանը: