Լ.Քալանթարի անվան դրամատիկական թատրոնը կկահավորվի համապատասխան սարքավորումներով և գույքով

Կառավարության վաղվա նիստի օրակարգում ՀՀ տարածքային կառավարման և զարգացման նախարարությունը ներառել է որոշում, որով նախատեսվում է գումար հատկացնել Գեղարքունիքի մարզպետարանին: Մասնավորապես` ՀՀ Գեղարքունիքի մարզի Լ. Քալանթարի անվան դրամատիկական թատրոնի կահավորման համար անհրաժեշտություն է առաջացել ՀՀ կառավարության պահուստային ֆոնդից «ՀՀ Գեղարքունիքի մարզի Լ. Քալանթարի անվան դրամատիկական թատրոն» ՊՈԱԿ-ի համար ձեռք բերել վարչական սարքավորումներ և հատուկ նպատակային նյութեր:

 Գոյություն ունեցող համակարգիչները և համակարգչային տեխնիկայի հիմնական մասը շահագործվում է շուրջ  7-10 տարի, որոնք ֆիզիկապես մաշվել են`  աշխատանքնային պրոցեսում կորցրել են իրենց արդյունավետությունը և ժամանակ առ ժամանակ նույնիսկ ձախողում են աշխատանքների բնականոն ընթացքը, մի քանիսն էլ շարքից դուրս են եկել: ՀՀ տարածքային կառավարման և զարգացման նախարարության  նոր հաստիքների աճով և հին համակարգիչների ֆիզիկական մաշվածությամբ պայմանավորված  19 նոր համակարգիչների, 10 օդորակիչների, 11 բազմաֆունկցիոնալ տպիչ սարքերի, անհրաժեշտություն է առաջացել:

ՀՀ մարզեր հաճախակի այցելությունների ընթացքում հանդիպումների և ասուլիսների արդյունքների, նախարարության աշխատանքների լուսաբանման, տեղեկատվական կենտրոններին նյութեր տրամադրելու  համար անհրաժեշտություն է առաջացել նաև ձեռք բերել լուսանկարչական կինոխցիկ:

Կարգավորման նպատակն է` ՀՀ տարածքային կառավարման և զարգացման նախարարության աշխատակիցների համար համակարգչային սարքավորումներով ապահովումը և «ՀՀ Գեղարքունիքի մարզի Լ.Քալանթարի անվան դրամատիկական թատրոն» ՊՈԱԿ-ի կահավորումը համապատասխան սարքավորումներով և գույքով: