Հս. Կորեան խոստացել է «անհավանական» հարված հասցնել ԱՄՆ-ին

Հյուսիսային Կորեան սպառնացել է ամենաանսպասելի պահին «անհավանական» հարված հասցնել ԱՄՆ-ին. հայտնում է ТАСС-ը: Այս մասին ասվում է Կորեայի կենտրոնական հեռագրային գործակալության տարածած հայտարարությունում:

Այն արվել է Կորեական թերակղզու ափերից ոչ հեռու ԱՄՆ-ի ու Հարավային Կորեայի համատեղ ծովային զորավարժությունների հետ կապված, որոնցում ներգրավված է «Ronald Reagan» ավիակիրը:

«Երևի ԱՄՆ-ը խելքը թռցրել է՝ ուղիղ մեր քթի տակ բերելով այն թիրախները, որոնք մեզ համար ամենակարևորն են: ԱՄՆ-ը պետք է նկատի ունենա, որ մեր հարվածը կլինի ամենաանսպասելի պահին՝ ամենաանսպասելի վայրում»,- ասվում է հայտարարությունում: