«Ես ամենաշատն էի սիրում օգոստոսի 15-ը». ապրիլյան պատերազմի հերոս Նվեր Սիմոնյանն այսօր կդառնար 27 տարեկան

Ապրիլյան պատերազմում զոհված հետախույզ, դիպուկահար, գնդացրորդ Նվեր Սիմոնյանն այսօր կդառնար 27 տարեկան:

Այս կապակցությամբ Նվերի նշանածը՝ Զոյկան, իր ֆեյսբուքյան էջում գրում է. «Հերո՛սս, այնքան բառեր թողեցիր չասված: Չգիտեմ անգամ՝ որտեղից,  ում կամ ինչ պատմեմ: Այս օրս այսքան դատարկ չէր լինի,եթե...: Ես ամենաշատն էի սիրում ու կսիրեմ օգոստոսի 15-ը: Այսօր քո ծնունդն է՝ առանց քեզ: Շնորհավոր պրն.ավագ սերժանտս»:

Նվեր Սիմոնյանը ծնվել է Արցախի Հադրութի շրջանի Թաղասեռ գյուղում, ավարտել է գյուղի դպրոցը: 2008-2010թթ. եղել է ժամկետային զինծառայող: Այնուհետև պայմանագրային ծառայության է անցել Ն զորամասում` որպես հատուկ նշանակության վաշտի 1-ին խմբի 1-ին ջոկի ավագ հետախույզ- գնդացրորդ, 1-ին խմբի 1-ին ջոկի հետախույզ- դիպուկահար և 1-ին խմբի 1-ին ջոկի հրամանատար- խմբի հրամանատար:

Զոհվել է ապրիլի 4-ին` մարտական գործողությունների ժամանակ, հոգին ավանդելով եղբոր գրկում: ԼՂՀ նախագահի կողմից հետմահու պարգևատրվել է «Մարտական ծառայություն» մեդալով:

Նվեր Սիմոնյանի մասին Yerkir.am-ի անդրադարձը՝ այստեղ: