Ռուսաստանում հայազգի «օրենքով գող» է կալանավորվել

ՌԴ Արմավիր քաղաքում կալանավորվել է հայազգի «օրենքով գող»` 44-ամյա Արա Մուրադյանը, ով քրեական աշխարհում առավել հայտնի է Արա Արմավիրսկի անունով: Այս մասին հայտնում է primecrime.ru կայքը:

 Կայքի տեղեկություններով՝ դեռևս հուլիսի կեսերին Մուրադյանը կալանավորվել էր վարչական իրավախախտում կատարելու համար՝ 15 օրով, սակայն ժամկետը լրանալուն պես նրան մեղադրանք է առաջադրվել խարդախության հատկանիշներով:

Կայքը հիշեցնում է, որ նախկինում դատապարտված` ծնունդով Արմավիրից Արա Մուրադյանն «օրենքով գող» է թագադրվել 2012թ. դեկտեմբերին՝ «օրենքով գողերի» կնքահայր Դեդ Հասանի կողմից:

Նշենք, որ այս տարվա ընթացքում Կուբանում երեք «օրենքով գող» է ենթարկվել է քրեական պատասխանատվության: