Հալեպում ահաբեկչական գործողության թիրախ է դարձել «Սիրիական դիմադրության» գրասենյակի տնօրենը

Երեկ Հալեպի Ազիզիյե շրջանի պետական մշակութային կենտրոնին կից գտնվող փողոցում ահաբեկչը պայթեցրել է «Սիրիայի դիմադրության և Իսկենդերոնի ազատագրման  ճակատի» գրասենյակի տնօրեն Ջեմել Թարաբլուսիի ավտոմեքենան:

Ըստ «Գանձասար»-ի՝ ավտոմեքենայի մեջ նախապես տեղադրված ականը պայթեցվել է Թարաբլուսիի նստելու պահին:

Վերջինս ծանր վիավորում է ստացել և տեղափոխվել հիվանդանոց:

«Սիրիայի Դիմադրության և Իսկենդերոնի ազատագրման  ճակատի» գրասենյակը հաղորդագրություն է տարածել՝ խստորեն դատապարտելով ահաբեկչությունը:

«Բարբարոսական այս արարքը թուրքամետ ահաբեկիչների ծրագրերի մաս է կազմում, սակայն ճակատը շարունակելու է պայքարել մինչև սիրիական հողերի ամբողջական ազատագրումը՝ Կոլանից մինչև Իսկենդերոն (Ալեքսանդրեթ)»։

Ահաբեկչության գործով հետաքննություն է սկսվել: