Սևանա լճից ջուր բաց թողնելու մասին օրենքի նախագիծը լրամշակվել է

ԱԺ-ում հրավիրված արտահերթ նիստում քննարկվում է երկրորդ ընթերցմամբ և ամբողջությամբ կառավարության կողմից ներկայացված` Սևանա լճից հավելյալ 100 մլն խորանարդ մետր ջուր բաց թողնելու մասին նախագիծը:

Հիմնական զեկուցող` ՀՀ էներգետիկ ենթակառուցվածքների և բնական պաշարների նախարարության ջրային կոմիտեի պետ Արսեն Հարությունյանը նշեց, որ ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովում, ՀՀԿ խմբակցությունում և հուլիսի 4-ի ԱԺ նիստում ներկայացվել են դիտողություններ, որոնք հածվի առնելով` օրենքի նախագիծը լրամշակվել է և բարելավվել:

Ըստ նրա՝ հիմնական դիտողություններից մեկը վերաբերում էր նրան` լրացուցիչ ջրառը միայն 2017 թվականի համա՞ր է, թե՞ նաև հետագա տարիների համար, դա շտկվել է և նշվել, որ միայն 2017 թվականի համար է:

Եվ այսպես` երկրորդ ընթերցմամբ և ամբողջությամբ նախագիծն ընդունվեց ձայների` 77 կողմ, 4 դեմ, 0 ձեռնպահ հարաբերակցությամբ: