Գերմանիայի ԱԳ ղեկավարը «մեծ սխալմունք» է որակել Օբամայի` Ռուսաստանին նվաստացնելու փորձը

Գերմանիայի ԱԳ ղեկավար Զիգմար Գաբրիելը կարծում է, որ ԱՄՆ նախագահի ներկայիս վարչակազմը պետք է ուղղի Ռուսաստանի հետ հարաբերություններում նախորդ վարչակազմի կատարած սխալները: Այս մասին Զիգմար Գաբրիելը ասել է իր հարցազրույցներից մեկում:

Նրա կարծիքով` լավ կլիներ, եթե Թրամփի թիմը վերաթարմացներ Մոսկվայի հետ հարաբերությունները` սկսելով նոր բանակցություններ:

«Առանց Ռուսաստանի, մենք չենք կարող հաղթահարել Ուկրաինայի, Սիրիայի ու Լիբանանի կոնֆլիկտները: Օբամայի փորձը` նվաստացնել Ռուսաստանին, մեծ սխալմունք էր: Ես դեռ հույս ունեմ, որ Վաշինգթոնը կուղղի այդ սխալը»,- ասել է Գաբրիելը:

Նա միաժամանակ հավելել է, որ ամեն ինչ ներկայումս այնպես է թվում, ասես Մոսկվան ու Վաշինգթոնը երես են թեքել միմյանցից: