Լոռու մարզում ամուսինը ծեծել է կնոջն ու զոքանչին

Լոռու մարզի դատախազությունը նույն մարզի դատարան է ուղարկել ընտանեկան բռնության վերաբերյալ հերթական քրեական գործերից մեկը:

Դատական տեղեկատվական համակարգից տեղեկանում ենք, որ Գ. Ք-ն այս տարվա ապրիլի ապրիլի 4-ի երեկոյան վիճաբանել է կնոջ հետ, ծեծի է ենթարկել նրան և պատճառել առողջության թեթև վնասի հատկանիշներ չպարունակող մարմնական վնասվածքներ: Իսկ հաջորդ օրը, ժամը 22:40-ի սահմաններում, վիճաբանել է զոքանչի հետ, ծեծի է ենթարկել նրան՝ պատճառելով ֆիզիկական ցավ:

Տղամարդուն մեղադրանք է առաջադրվել ՀՀ ՔՕ 118-րդ հոդվածի (ծեծ) հատկանիշներով և նրա նկատմամբ, որպես խափանման միջոց է ընտրվել չհեռանալու մասին ստորագրությունը: