Ամուսինը սպանել է կնոջն ու ''ցրել'' դիակի մասերը քաղաքով մեկ

Ռուսաստանում տոնական օրերին սարսափելի սպանություն է տեղի ունեցել: Ամուսինը սպանել է կնոջը, մասնատել նրա մարմինը և, հետքերը կորցնելու նպատակով, թաղել դրանք տարբեր վայրերում. հաղորդում է Lifenews-ը:

39-ամյա Իրինա Կաբանովայի` իբրև թե անհայտ կորելու մասին ոստիկանությանը հաղորդում է տվել նրա ամուսինը` Ալեքսեյ Կաբանովը: Նա ասել է, թե կինը հունվարի 3-ին իր հետ վիճելուց հետո թողել-գնացել է տնից և այլևս չի վերադարձել:

8 օր շարունակ ոստիկանությունը փնտրել է կնոջը: Եվ միայն ամուսնու հեռախոսային զանգերը վերծանելուց հետո պարզ է դարձել, որ կնոջը նա է սպանել: Նա ոստիկանությանը պատմել է, որ սպանելուց հետո մասնատել է դիակը, ապա հետքեր չթողելու համար իր մեքենայով տարել դրանք քաղաքի տարբեր հատվածներ:

Ի դեպ, նրանք երեք երեխա ունեն: