Միհրան Պողոսյանը խոստանում է ակտիվ լինել

ՀՀԿ-ական պատգամավոր Միհրան Պողոսյանը խոստանում է ակտիվ լինել դատաիրավական ոլորտում: Նա այդ մասին  այսօր ասաց խորհրդարանում լրագրողների հետ զրույցում:

«Ես փորձ ունեմ հարկադիր կատարման ոլորտում: Մեր գործառույթներից ամենակարևորը եղել է բալանսավորել պարտատիրոջ և պարտապանի գործունեությունը: Մենք որոշակի նախաձեռնություններով հանդես եկել ենք»,- ընդգծեց նա՝ հավելելով, որ աշխարհում ընդունված շատ նորմեր կան, որոնք կիրառելի կլինեն նաև Հայաստանում:

«Մենք պետք է կարողանանք բալանսավորել այդ ինստիտուտը: Նաև պարտապանը պետք է պաշտպանված լինի: Հարկադիր կատարման ծառայությունն այսօր ուղղված է պահանջատիրոջ իրավունքները պաշտպանելու հարցին, և, ինչպես արդեն ասացի, սա բալանսավորելու կարիք կա»,- ասաց Պողոսյանը:

Անդրադառնալով օրեր առաջ տեղի ունեցած` Երևանի ավագանու ընտրություններին` նա ասաց, որ քվեարկել է ՀՀԿ-ի օգտին, և հերքեց տեղեկությունները, թե իր և Տարոն Մարգարյանի աներորդու միջև որևէ լարվածություն է եղել: