Ընկույզը վնասվել է 80 %-ով, ելակն ու հաղարջը՝ 100%-ով. Բյուրականում կարկուտը լուրջ վնասներ է հասցրել

Հայտնել ենք, որ երեկ Արագածոտնի մարզի Բյուրական համայնքում ուժեղ կարկտահարություն է եղել: Բյուրականի համայնքապետ Զարզանդ Բաբայանը Yerkir.am-ին հայտնեց, որ կարկուտը մեծ վնաս է հասցրել գրեթե բոլոր մշակաբույսերին, հատապտուղներին ու ծառատեսակների մեծ մասին: «Բանջարաբոստանային կուլտուրաները 100 տոկոսով են վերացել, սածիլները՝ ևս  100 տոկոսով, իսկ  պտուղներից եթե 30-40 տոկոս ակնկալիք ունենանք աշնանը, գոհ կլինենք: Ընկույզը 80 տոկոսով վերացել է, ելակը, հաղարջը՝ 100 տոկոսով»,- հայտնեց գյուղապետը:

Նրա խոսքով՝ ուսումնասիրվում են նաև վնասի փոխհատուցման հետ կապված հարցեր, հստակեցվում են՝ բացի ամբողջովին վնասված բերքից, որքան է կազմում մասնակի վնաս կրած բերքի չափը: