Որ քաղաքական ուժը որքան գումար է ծախսել ընտրություններին

ՀՀ կենտրոնական ընտրական հանձնաժողովի վերահսկիչ-վերստուգիչ ծառայության ղեկավար Տիգրան Բաբիկյանը քիչ առաջ ներկայացրեց  Երևանի ավագանու ընտրություններին մասնակցած քաղաքական ուժերի՝ նախընտրական քարոզչության ֆինասավորման  հիմնադրամների վերաբերյալ վերլուծություններ:

 Այսպիսով՝ «Ելք» դաշինքի նախընտրական հիմնադրամի մուծումները կազմել են 7 279 000 դրամ, որից ծախսվել է 7 064 839դրամ, «Երկիր Ծիրանի» կուսակցության նախընտրական հիմնադրամի մուծումները եղել են 2 634 200 դրամ, ծախսվել ՝ 1 734 135 դրամ, իսկ «Հանրապետական» կուսակցությունը մուծել է 106 102 710 դրամ, ծախսերի ընդհանուր չափը կազմել է 103 287 894 դրամ:

«Հիմնադրամում մնացած «Ելք» դաշինքի միջոցները կազմել է 214 161 դրամ, «Երկիր Ծիրանի» կուսակցության հիմնադրամում՝ 900 065 դրամ, իսկ «Հանրապետական» կուսակցությանը ` 2 814 816 դրամ»,-ասաց Բաբիկյանը: