Բոլոր մեղադրանքները մերկապարանոց են, սուտ ու կեղծ. Շարմազանով

Այսօր ՀՀԿ ԳՄ նիստից հետո ՀՀԿ խոսնակ  Էդուարդ Շարմազանովը պատասխանեց լրագրողների հարցին: Հարցին, թե ինչպե՞ս կմեկնաբանի «Ելք» դաշինքի տարածած նյութերն այն մասին, որ Տարոն Մարգարյանի նախընտրական շտաբերում ընտրակաշառքի ու հավաքագրման մեխանիզմ է գործի դրվում, Էդուարդ Շարմազանովը, ով նաև Տարոն Մարգարյանի նախընտրական շտաբի ղեկավարն է, ասաց, որ շտաբը երեկ գիշերը արդեն համապատասխան հաղորդագրություն է տարածել, և որ այդ նյութերը կեղծ են, քանի որ ընտրակաշառքի վերաբերյալ որևէ ապացույց չկա:

«Բոլոր մեղադրանքները մերկապարանոց են, սուտ են, կեղծ են: Մենք նման ցուցակների, գրառումների հետ կապ չունենք»,- ասաց Շարմազանովը` հորդորելով Տարոն Մարգարյանի մրցակիցներին, խախտումներ նկատելու դեպքում դիմել իրավապահներին: