Անելու ենք ամեն ինչ, որ ընդդիմությունը հուսախաբ լինի. Հովիկ Աբրահամյան

Այսօր ՀՀԿ ԳՄ նիստից առաջ վարչապետ Հովիկ Աբրահամյանը խոսեց 2015 թ. բյուջեի մասին: Նա նշեց, որ անելու է ամեն ինչ, որ չիրականանան ընդդիմության կանխատեսումները, թե այս կառավարությունը կձախողվի:

«Դրական չեմ համարում ընդդիմության՝ կանխատեսումներով առաջնորդվելը, բայց մենք անելու ենք ամեն ինչ, որ բյուջեն լինի իրատեսական: Այս հարցով անելու ենք ամեն ինչ, որ նրանք հուսախաբ լինեն: Մենք պայքարելու ենք, որ մեր տնտեսությունը զարգանա: Կան հիմքեր, որ հաջողության ենք հասնելու»,- ասաց վարչապետը՝ հավելելով, որ, ջանքերը համատեղելով, միասնաբար կարող են հասնել դրական փոփոխությունների:

Պատասխանելով հարցին, թե պատրաստվո՞ւմ է միջնորդել, որպեսզի  հանդիպեն Գագիկ Ծառուկյանն ու Սերժ Սարգսյանը, Հովիկ Աբրահամյանն ասաց. «Ես կարծում եմ, որ երկու քաղաքական ուժերի ղեկավարներին միջնորդել պետք չէ` հանդիպելու համար, իրենք իրենց խնդիրները կքննարկեն»: Նա նաև նշեց, որ տեղյակ չէ՝ եղե՞լ է, արդյոք, նրանց միջև հանդիպում, թե՞ ոչ:

Վարչապետը խոսեց նաև ստվերի դեմ պայքարի մասին:

Մանրամասները՝ տեսանյութում: