ՍԴ-ն սկսել է Կոնգրես-ՀԺԿ դիմումի քննությունը

ՀՀ Սահմանադրական դատարանում մեկնարկեց «Կոնգրես-ՀԺԿ» կուսակցությունների դաշինքի դիմումի հիման վրա` ՀՀ կենտրոնական ընտրական հանձնաժողովի 2017 թվականի ապրիլի 9-ի «Հայաստանի Հանրապետության Ազգային ժողովի 2017 թվականի ապրիլի 2-ի ընտրությունների արդյունքներն ամփոփելու մասին» թիվ 163-Ա որոշումը վիճարկելու վերաբերյալ գործի քննությունը:

Գործով հիմնական պատասխանողը ՀՀ Կենտրոնական ընտրական հանձնաժողովն է: Հարակից պատասխանողներն են ՀՀ գլխավոր դատախազությունն ու ՀՀ ոստիկանությունը: Դատախազության ներկայացուցիչներն են ՀՀ գլխավոր դատարախի տեղակալ Վահե Կոստանյանը, դատախազներ Կարեն Բիշարյանը և Վաղարշակ Մկրտչյանը:

Ոստիկանության ներկայացուցիչն էլ ոստիկանության շտաբի պետ Հովհաննես Քոչարյանն է: Այս պահին Կոնգրես-ՀԺԿ դաշինքի ներկայացուցիչ, ԱԺ պատգամավոր Լևոն Զուրաբյանը ներկայացնում է դաշինքի դիմումը: