Մենք մեր թիմով եկել ենք խնդրելու. Տարոն Մարգարյանը՝ Էրեբունիում

Այսօր Երևան քաղաքի ավագանու նախընտրական քարոզարշավի շրջանակներում՝ քաղաքապետի թեկնածու Տարոն Մարգարյանը հանդիպում ունեցավ Էրեբունի վարչական շրջանի բնակիչների հետ:

«Սրանից երկու տարի առաջ մենք ներկայացրեցինք մեր ծրագիրը, մեր տեսլականը՝ ավելի լավ Երևան: Եվ այսօր մենք կարող ենք պարզ ճակատով ասել, որ ունենք ավելի լավ Երևան, բայց դրանով չի նշանակում, որ չունենք խնդիրներ: Երևան քաղաքում բազում խնդիրներ կան, բայց այդ խնդիրների համար պետք է շփվել բնակչության հետ, ժողովրդին, լսել նրանց դարդ ու ցավերը, այն խնդիրները, որոնք թաղ առ թաղ, փողոց առ փողոց բարձրացվում են»,- իր խոսքում նշեց Տ. Մարգարյանը:

Ըստ Տարոն Մարգարյանի՝ իր թիմը բնակչության հետ հանդիպում է ոչ թե ընտրությունից ընտրություն, այլ տարվա ընթացքում մի քանի անգամ հանդիպումներ է կատարվում բնակչության հետ: