Եվրահանձնաժողովը ԵՄ երկրներին կոչ է արել կատարել փախստականներին ընդունելու պարտավորությունները

Ներքին գործերի, միգրացիայի և քաղաքացիության հարցերով եվրահանձնակատար Դիմիտրոս Ավրամոպուլոսը երկուշաբթի Եվրամիության անդամ երկրներին կոչ է արել մինչև սեպտեմբերի վերջը կատարել Հունաստանի և Իտալիայի տարածքներից փախստականների տեղափոխման և տեղաբաշխման պարտավորությունները, փոխանցում է «РИА Новости»-ն:

«Ներողություններն այլևս չեն ընդունվում: ԵՄ բոլոր երկրներն իրենց պարտավորությունները պետք է կատարեն մինչև սեպտեմբերի վերջը», - լրագրողներին ասել է նա՝ Բրյուսել ժամանելով, որտեղ մասնակցելու է ԵՄ 28 երկրների ԱԳ նախարարների հանդիպմանը:

Ավելի վաղ՝ մարտին, Ավրամոպուլոսը պատժամիջոցներով էր սպառնացել փախստականներին չընդունող ԵՄ երկրներին:

Եվրահանձնակատարը հայտնել է, որ դեռևս Հունաստանի և Իտալիայի տարածքում գտնվող 15,5 հազար փախստական Եվրամիության այլ երկրներ են ուղարկվել երկու երկրների տարածքներից 2 տարվա ընտացքում մինչև 40 հազար ապաստան հայցողների տեղավորելու միության պարտավորությունների շրջանակներում:

Ապաստան տրամադրելու ներգաղթյալների հայտերը քնարկվում են Իտալիայի և Հունաստանի տարածքներում, այսպես կոչված, «հոթսփոթներում» («թեժ կետերում»), որտեղից նրանց Եվրամիության ներսում տեղափոխելու և տեղաբաշխելու ծրագրի շրջանակներում ուղարկում են ԵՄ երկրներ: