Ռուսաստանը պատրաստ է աջակցել Երևանին և Անկարային. Լավրով

Ռուսաստանը միայն կողջունի, եթե ԵՏՄ արտաքին սահմանի հայ-թուրքական հատվածը բացվի մարդկանց և ապրանքների ու ծառայությունների ազատ տեղաշարժի համար. հայտարարել է ՌԴ ԱԳ նախարար Սերգեյ Լավրովը Regional Post- Caucasus ամսագրին տված հարցազրույցում:

Նա նշել է, որ Ռուսաստանը կարևոր դեր է խաղացել 2007-2009-ին Հայաստանի և Թուրքիայի միջև հարաբերությունների կարգավորման հարցում, սակայն ավելի ուշ կարգավորման գործընթացը կանգ է առել:

«Սկզբունքորեն կարևոր է, որ կողմերը պայմանավորվելու և լուրջ, պատասխանատու որոշումներ կայացնելու ունակություն են դրսևորել: Վստահ եմ, որ Հայաստանը և Թուրքիան ունակ են կարգավորել ունեցած խնդիրները: Շատ բան կախված է հենց նրանցից: Երբ Երևանը և Անկարան նստեն բանակցությունների սեղանի շուրջ, Ռուսաստանը պատրաստ կլինի նրանց տրամադրել ամենաակտիվ աջակցությունը»,- ասել է Լավրովը: