Պեսկովը մեկնաբանել է ՌԴ դեսպանի շփումները Թրամփի շրջապատի հետ

ՌԴ նախագահի մամուլի քարտուղար Դմիտրի Պեսկովը ասել է, որ ԱՄՆ-ում ՌԴ դեսպան Սերգեյ Կիսլյակի շփումները ԱՄՆ նախագահի թեկնածուների շրջապատի հետ նրա աշխատանքն է: Այդ մասին նա ասել է CNN-ին տված հարցազրույցում. հայտնում է Газета ру-ն:

Լրագրողը հետաքրքրվել է` ինչի՞ մասին են զրուցել կողմերը, Պեսկովը պատասխանել է հետևյալը. «Դա նրա աշխատանքն է: Նա խոսել է երկկողմ հարաբերությունների մասին, այն մասին, թե ինչ է կատարվում ԱՄՆ-ում: Այսպես մենք Մոսկվայում ավելի լավ ենք հասկանում ԱՄՆ-ում տիրող իրավիճակը»:

Նա հավելել է, որ նման գործով զբաղվում է յուրաքանչյուր դեսպան, այդ թվում` Մոսկվայում ամերիկացի դիվանագետները: