ՌԴ օմբուդսմենը կքննարկի Լապշինի հարցն իր ադրբեջանցի գործընկերոջ հետ

ՌԴ մարդու իրավունքների պաշտպան Տատյանա Մոսկալկովան РИА Новости-ին հայտնել է, որ կդիմի իր ադրբեջանցի գործընկերոջը՝ Էլմիրա Սուլեյմանովային, Ադրբեջանում կալանքի տակ պահվող բլոգեր Ալեքսանդր Լապշինի պահման պայմանները ստուգելու խնդրանքով:

«Լրագրողները հատուկ մասնագիտական հանրություն են, աշխատում են վտանգի գոտում և պահանջում հատուկ ուշադրություն ու հարգանք: Մեր լրագրողի (Լապշին) դեպքում, որը Բելառուսից փոխանցվել է Ադրբեջանին, ես հանդես եմ եկել հայտարարությամբ: Ցավում եմ, որ ադրբեջանցի գործընկերները չլսեցին: Կդիմեմ Ադրբեջանի օմբուդսմենին, որպեսզի նա կարողանա այցելել մեր քաղաքացուն և համոզվել, որ նա բժշկական օգնության կարիք չունի և չի բողոքում պահման պայմաններից»,- ասել է Մոսկալկովան: