Արթուր Դավթյանը՝ բազմամարտի Հայաստանի չեմպիոն

Մարտի 2-ին Ալբերտ Ազարյանի անվան մարմնամարզության օլիմպիական հերթափոխի մանկապատանեկան մարզադպրոցում տեղի ունեցավ սպորտային մարմնամարզության Հայաստանի առաջնության բացումը:

Տղամարդկանց առաջնությանը մասնակցում է 25 մարմնամարզիկ` Երևանից և Գյումրիից, այդ թվում` Հայաստանի հավաքականի անդամները:

Այսօր որոշվեցին բազմամարտի հաղթողները եւ առանձին գործիքների վրա եզրափակիչի մասնակիցները (6-ական մարզիկ յուրաքանչյուր մրցաձեւից): Մեծ առավելությամբ բազմամարտի չեմպիոն դարձավ Արթուր Դավթյանը (84.1), երկրորդ տեղը զբաղեցրեց Վիգեն Խաչատրյանը (77.5), երրորդը` Արմեն Պետրոսյանը` 76.3:

Եզրափակիչները կկայանան մարտի 4-ին:

Կանանց առաջնությանը մասնակցելու է 16 մարզիկ` Երեւանից, Գյումրիից և Էջմիածնից:

Մրցումները կկայանան մարտի 3-4-ը Հրանտ Շահինյանի անվան մարմնամարզության մանկապատանեկան մարզադպրոցում: