Բելգիայի նախկին թագավոր կկանգնի դատարանի առաջ` հայրության որոշման գործով

Բելգիայի` գահից հրաժարված 82-ամյա թագավոր Ալբերտ Երկրորդը փետրվարի 21-ին կկանգնի դատարանի առաջ 48-ամյա Դելֆինա Բոելի հայրությունը ճանաչելու գործով: Դատը դռնփակ է լինելու. հաղորդում է ТАСС-ը:

Ալբերտ Երկրորդը հրաժարվել է գահից 2013 թվականի հուլիսի 21-ին` հօգուտ ավագ որդու` Ֆիլիպի, ձևականորեն պահպանելով թագավորի տիտղոսը: Սակայն գահի հետ նա կորցրել է նաև դատական անձեռնմխելիությունը: Եվ հիմա Դելֆինա Բոելը պահանջում է ԴՆԹ անալիզ անցկացնել, որ պաշտոնապես հաստատվի իր` թագավորի արտաամուսնական կապից ծնված լինելը: Եթե այդպես լինի, նա ժառանգության իրավունք կունենա, թեև թագավորական ընտանիքի անդամ չի ճանաչվի: