Սիրիայի ԱԳՆ-ը հերքում է Human Rights Watch իրավապաշտպան կազմակերպության մեղադրանքները

Սիրիայի ԱԳՆ-ը հերքում է Human Rights Watch իրավապաշտպան կազմակերպության մեղադրանքները Հալեպում Սիրիայի բանակի կողմից քիմիական զենքի օգտագործման մասին, հայտնում է «SANA»-ն:

«Սիրիայի կառավարությունը հերքում է բոլոր սուտ մեղադրանքները, որոնք պարունակվում են Human Rights Watch կազմակերպության զեկույցում, որտեղ նա հայտարարում է Հալեպ քաղաքի ազատագրման ընթացքում Սիրիայի բանակի և նրա դաշնակիցների կողմից թունավոր նյութերի կիրառման մասին»,- ասված է հայտարարության մեջ:

ԱԳՆ-ն ավելացրել է, որ Սիրիան խիստ դատապարտում է այդ զեկույցը` ստեղծված «Աստանայում և Ժնևում հանդիպումներից առաջ Արևմուտքի պլանների իրականացման» շրջանակներում: