Չավուշօղլուն հանդիպել է Պորոշենկոյի հետ

Թուրքիայի ԱԳ նախարար Մևլութ Չավուշօղլուն երեկ մեկնել է Ուկրաինա: Ըստ Ulusalkanal-ի՝ նա Կիևում հանդիպել է Ուկրաինայի նախագահ Պյոտր Պորոշենկոյի հետ և  քննարկել  թուրք-ուկրաինական բարձր մակարդակի ռազմավարական խորհրդի 5-րդ ժողովի կազմակերպման մանրամասները, որը տեղի է ունենալու գարնանը:

Հանդիպման ընթացքում քննարկվել են տարածաշրջանային և մի շարք տնտեսական խնդիրներ, նաև պատրաստակամություն հայտնել թուրք-ուկրաինական ռազմակավարական հարաբերությունները զարգացնելու հարցում: Կողմերը նաև անդրադարձել են երկու երկրների միջև ազատ առևտրի իրականացման համար ընթացող բանակցությունները հնարավորինս արագ ավարտին հասցնելու անհրաժեշտությանը:

Չավուշօղլուն կրկնել է, որ պաշտոնական Անկարան աջակցում է Ուկրաինայի տարածքային ամբողջականությանը: