Չավուշօղլուն հայտարարել է, որ պատրաստ է հանդիպել Արարատ Միրզոյանի հետ

Թուրքիայի արտգործնախարար Մևլութ Չավուշօղլուն հայտարարել է հայաստանցի իր գործընկեր Արարատ Միրզոյանի հետ հանդիպելու պատրաստակամության մասին։

Այս մասին նա ասել է Թյուրքալեզու պետությունների կազմակերպության ԱԳՆ ղեկավարների խորհրդի արտահերթ նիստից հետո  տեղի ունեցած մամուլի ասուլիսի ժամանակ, փոխանցում է Sputnik Азербайджан -ը։

Չավուշօղլուի խոսքով ՝  հանդիպման ամսաթվի և մանրամասների քննարկումը կարող է տեղի ունենալ Անկարայի և Երևանի՝  հարաբերությունների կարգավորման հարցով հատուկ ներկայացուցիչների հանդիպման ընթացքում:

Հատուկ ներկայացուցիչների հանդիպման վայրն ու ժամը, իրենց հերթին,  կհամաձայնեցվեն մոտ ժամանակներս: