Ռուսական օդուժը չնախատեսված ավիահարվածներ է իրականացրել Սիրիայում

ՌԴ Զինուժի գլխավոր հրամանատարության ղեկավար Վալերի Գերասիմովը ցավակցություն է հայտնել իր թուրք գործընկերոջը սիրիական Հալեպ նահանգում ռուսական ինքնաթիռի չնախատեսված ավիահարվածի հետևանքով երեք թուրք զինվորների մահվան կապակցությամբ: ТАСС գործակալության փոխանցմամբ` այս մասին հայտնել են ՌԴ պաշտպանության նախարարությունից:

ՌԴ ՊՆ հաղորդագրության մեջ նշվում է, որ ռուսական ռմբակոծիչները մարտական առաջադրանք էին կատարում Էլ-Բաբ քաղաքի շրջակայքում «Իսլամական պետություն» ահաբեկչական խմբավորման գրոհայիններին ոչնչացնելու ուղղությամբ:

ՌԴ և Թուրքիայի հրամանատարության ղեկավարները պայմանավորվել են առավել սերտորեն համակարգել տեղեկության փոխանցման գործընթացը:

Ավելի վաղ ռուսական ինքնաթիռի ավիահարվածի հետևանքով թուրք զինվորների մահվան մասին հաղորդել էին թուրքական Զինուժի հրամանատարությունից` նշելով 11 վիրավորների մասին: