Պետական մասնակցությամբ առևտրային կազմակերպությունները` խոշորացույցի տակ

Այսօր կառավարության նիստում վարչապետ Կարեն Կարապետյանը հանձնարարեց պետական գույքի կառավարման վարչությանը` ներկայացնել պետական մասնակցությամբ առևտրային կազմակերպությունների 13, 14, 15 տարեկան և 2016թ. առաջին կիսամյակի տվյալների հիման վրա իրականացված համատարած ֆինանսատնտեսական ցուցանիշների արդյունքներն ու վերլուծությունները:

Առանձնացվել է 4,3,2,1 տարվա վնաս ձևավորած, ինչպես նաև գործունեություն չծավալած և արդյունք չձևավորած ընկերությունների ցանկը: Ուսումնասիրություններ են կատարվել պետական մասնակցությամբ առևտրային այն կազմակերպություններում, որոնք ցուցաբերում են քիչ շահույթ:

«Հանձնարարվում է գործադիր մարմիններին` ներկայացնել իրենց դիրքորոշումը ցանկում ընդգրկված ընկերությունների և կառավարիչների գործունեության և այդ կազմակերպությունների հետագա գործունեությունը շարունակելու նպատակահարմարության վերաբերյալ»,- ասաց Կարեն Կարապետյանը: