Վարչապետի խորհրդականներից մեկն ամենօրյա ռեժիմով զբաղվում է խնդրով. Դավիթ Լոքյան

Կառավարության հետ հարցուպատասխանի ժամանակ ԲՀԿ-ական Վահե Էնֆիաջյանը հարց ուղղեց ՀՀ տարածքային կառավարման և զարգացման նախարարությանը գերակա շահ ճանաչված մի քանի տարածքների, մասնավորապես` Հյուսիսային պողոտայի, Կոնդի, Բյուզանդի, Ֆիրդուսի, Եկմալյանի անվան փողոցների բնակիչների շահերի վերաբերյալ, որոնց բնակարանային հարցը տարիներ անց լուծում չի գտնում:

ՏԿԶ նախարար Դավիթ Լոքյանը նշեց, որ բարձրացված հարցը խնդրահարույց է: Կոնդ թաղամասում շինարարություն է ընթանում, առաջին շենքն արդեն ավարտման փուլում է, և 107 բնակիչ կապահովվի բնակարանով:

«Պետությունը հեռու չի կանգնում այս հարցից, թեև տարիների ընթացքում կառուցապատողներ են փոփոխվել: Վարչապետի խորհրդականներից մեկն ամենօրյա ռեժիմով զբաղվում է այս խնդրով, որպեսզի գտնեն այն ուղիները, որ լուծում գտնենք, և բնակիչները չմնան դրսում»,- ասաց նախարարը: