ԵՄ երկրները քննարկում են ռազմական արագ արձագանքման ուժերի ստեղծման հարցը

Եվրամիության 14 երկիր, ներառյալ՝ Գերմանիան և Ֆրանսիան, առաջարկել են ստեղծել ռազմական արագ արձագանքման ուժ, որը կարող է կիրառվել միջազգային ճգնաժամերի սկզբնական փուլերում: Այս մասին չորեքշաբթի Reuters գործակալությանն ասել է ԵՄ բարձրաստիճան պաշտոնյա:

Երկրներն ասում են, որ ԵՄ-ն պետք է ստեղծի 5000 զինծառայողից կազմված բրիգադ, որը պետք է ապահովված լինի նավերով և օդանավերով՝ օգնելու համար հրատապ կարիք ունեցող ժողովրդավարական օտար կառավարությունների:

ԵՄ պաշտպանության նախարարները հինգշաբթի կքննարկեն գաղափարը ԵՄ դիվանագիտության ղեկավար Ջոզեպ Բորելի նախագահությամբ անցկացվող հերթական հանդիպման ժամանակ։ Նշենք, որ Բորլեը նախատում է ԵՄ-ին արտասահմանում ավելի ակտիվ միջամտություն չունենալու համար, հատկապես՝ այնպիսի երկրներում, ինչպիսին է Լիբիան:

14 երկրներն են՝ Ավստրիան, Բելգիան, Կիպրոսը, Չեխիան, Գերմանիան, Հունաստանը, Ֆրանսիան, Իռլանդիան, Իտալիան, Լյուքսեմբուրգը, Նիդերլանդները, Պորտուգալիան, Սլովենիան և Իսպանիան:

1999-ին առաջին անգամ քննարկումներ սկսելով`ԵՄ-ն 2007-ին ստեղծեց 1500 հոգանոց մարտական խմբերի կենսունակ համակարգ` ճգնաժամերին արձագանքելու համար, բայց դրանք երբեք չեն կիրառվել: