Վերանայել Կրթության ազգային ինստիտուտի գործառույթները և կառուցվածքը. Կարեն Կարապետյան

Այսօր կառավարության նիստում վարչապետ Կարեն Կարապետյանը հանձնարարական ուղղեց կրթության ու գիտության նախարարությանը, որը վերաբերում էր որակյալ կրթական համակարգի ապահովմանը:

«Առանց բարձրորակ ուսուցիչների, կրթական ծրագրերի որակն ապահովելն անհնար է: Կարծում եմ`  շատ դեպքերում մենք ունենք ուսուցիչների վերապատրաստման ֆորմալ պրոցեսներ, իսկ բովանդակային վերապատրաստումը հաճախ փոխարինվում է ֆիզիկական ներկայությամբ: Ունենք դասագրքերի որակի, բովանդակության սուր խնդիր, որը բարձրաձայնվում է թե' ուսուցիչների, թե' ծնողների կողմից: ԿԳ նախարարին հանձնարարում եմ մեկամսյա ժամկետում մշակել Կրթության ազգային ինստիտուտի գործունեության բարելավման ծրագիր` կատարելով գործառույթների և կառուցվածքի համապարփակ վերանայում»,- ասաց Կարեն Կարապետյանը: