Ընտրություններ-2017. Գալուստ Սահակյանի որդին էլ է արձակուրդում

ՀՀ վարչապետը հրամանագիր է ստորագրել պետական գույքի կառավարման վարչության պետ Արման Սահակյանին (ԱԺ նախագահ Գալուստ Սահակյանի որդուն-խմբ.) արձակուրդ տրամադրելու մասին:

Համապատասխան հրամանագրում, մասնավորապես, ասվում է.

«Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 139-րդ կետը՝

1. Հայաստանի Հանրապետության կառավարությանն առընթեր պետական գույքի կառավարման վարչության պետ Արման Սահակյանին տրամադրել 2016-2017 թվականների աշխատանքային տարվա իր ամենամյա նվազագույն եւ լրացուցիչ արձակուրդները՝ 2017 թվականի փետրվարի 1-ից մինչեւ մարտի 6-ը ներառյալ եւ չվճարվող արձակուրդ՝ 2017 թվականի մարտի 7-ից մինչեւ ապրիլի 3-ը ներառյալ:

2. Արման Սահակյանի` արձակուրդում գտնվելու ընթացքում Հայաստանի Հանրապետության կառավարությանն առընթեր պետական գույքի կառավարման վարչության պետի պարտականությունների կատարումը ժամանակավորապես դնել Հայաստանի Հանրապետության կառավարությանն առընթեր պետական գույքի կառավարման վարչության պետի տեղակալ Աշոտ Մարկոսյանի վրա»: