Անապա քաղաքի մերձակայքում անօդաչու թռչող սարք է հայտանաբերվել

ՌԴ հատուկ ծառայությունները Սև ծովում`Անապա քաղաքի մերձակայքում, անօդաչու թռչող սարք են հայտանաբերել: Այս մասին Интерфакс գործակալությանը երեքշաբթի հայտնել են Կրասնոդարի երկրամասի օպերատիվ ծառայության ներկայացուցիչները:

«Անցյալ կիրակի ափից ոչ հեռու հայտնաբերվել է և ջրից դուրս է բերվել Airbus Direct Targets անօդաչու թռչող սարքը: Ներկա պահին պարզվում է սարքի ծագումն ու նշանակությունը, ինչպես նաև ծովն ընկնելու հանգամանքները», - ասել է գործակալության զրուցակիցը:

Ինչպես երևում է համացանցում հայտնված լուսանկարներից, անօդաչու սարքը շուրջ 2 մետր երկարություն ունեցող սև գույնի սարքավորում է: Սարքավորման կորպուսը տեխնիկական առումով լուրջ վնասված տեղեր չունի: