Ահաբեկչություն Սիրիայի հյուսիսում

Սիրիայի հյուսիսում՝ Թուրքիայի հետ սահմանից 10 կմ հեռավորության վրա գտնվող Աազազ քաղաքում որոտացած պայթյունի հետեւանքով ավելի քան 60 մարդ է զոհվել։ Al Arabiya հեռուստաալիքի փոխանցմամբ զոհերի ու տուժածների մեծ մասը խաղաղ բնակիչներ են։ Ավելի քան 100 մարդ տարբեր աստիճանի վնասվածք է ստացել։

Ականապատ մեքենան պայթել է մարդաշատ շուկայի հրապարակում՝ շարիաթի դատարանի շենքի առաջ։ Աազազը Սիրիայի ազատագրական բանակի հսկողության տակ է գտնվում, որը Թուրքիայի իշխանությւոնների հետ միասին մասնակցել է Սիրիայի հյուսիսում «Եփրատի վահան» հակաահաբեկչական գործողությանը։ Զինված ընդդիմության ներկայացուցիչները պայթյունի համար պատասխանատու են համարում ԻՊ խմբավորմանը։