Մոսկվայում գագաթաժողովի ժամանակ իրանցի թիկնապահը աչքը չի հեռացրել թուրք ոստիկանից

Թուրքիայում ՌԴ դեսպան Անդրեյ Կառլովի՝ թուրք ոստիկանի կողմից սպանությունից հետո ուշագրավ զարգացումներ են տեղի ունենում:

Ըստ Siyasihaber-ի՝ Մոսկվայում երեկ կայացած ռուս-թուրք-իրանական եռակողմ գագաթաժողովի ընթացքում աչքի է ընկել իրանցի թիկնապահի զգուշավոր պահվածքը թուրք ոստիկանի նկատմամբ: Նա Իրանի ԱԳ նախարարի անվտանգությունն ապահովելու համար աչքը չի հեռացրել թուրք ոստիկանից, ինչը գրավել է ԶԼՄ-ների ուշադրությունը:

«Թեսնիմ» լրատվական գործակալությունն այս իրավիճակը մեկնաբանել է այսպես. «Ժավադ Զարիֆի թիկնապահները անվտանգության ամենաբարձր միջոցներն են ձեռնարկում Թուրքիայի ԱԳ նախարարի թիկնապահների նկատմամբ»: