Ասեմ՝ իզուր եք սպասում. Էրդողանի ելույթը՝ դեսպանի սպանությունից հետո

Ինչպես արդեն տեղեկացրել էինք՝ Թուրքիայում ՌԴ դեսպան Անդրեյ Կառլովի դեմ Անկարայում մահափորձ է տեղի ունեցել: Դեսպանը ծայրահեղ ծանր վիճակում հոսպիտալացվել է, այնուհետեւ մահացել:

Կատարվածի մասին այս պահին CNNTURK-ի եթերում ելույթ է ունենում Թուրքիայի նախագահ Էրդողանը: «Խստապես դատապարտելով» կատարվածը՝ Էրդողանը համոզմունք հայտնեց, որ այս հարձակումը սադրանք է՝ ուղղված երկկողմ հարաբությունների դեմ: Վերջինս նշեց, որ Թուրքիան հետամուտ կլինի այս դեպքի բացահայտմանը՝ տեղեկացնելով, որ դրա համար ՌԴ-ի հետ համատեղ հանձնախումբ կստեղծվի:

«ՌԴ-ի հետ մեր հարաբերությունները շատ լավ են, տարածաշրջանի հետ մեր հարաբերությունները շատ լավ են, եթե ոմանք ակնկալում են, որ այդ հարցում կարող են սադրանքներ իրականացնել, ասեմ՝ իզուր եք սպասում»,-նշեց Էրդողանը:

Խոսքի վերջում Էդողանը ՌԴ դեսպանի սպանության կապակցությամբ ցավակցեց թե ՌԴ-ին, թե Թուրքիային: Հարկ է նշել, որ Էրդողանն իր ելույթի ընթացքում խոսում էր դողդոջուն ձայնով՝ պարբերաբար կակազելով: