«Փոքր Մհեր» կրթահամալիրը կտեղափոխվի ՊՆ ենթակայության տակ

Այսօր կառավարության նիստում վարչապետ Կարեն Կարապետյանը հանձնարարականներ տվեց` «Փոքր Մհեր» կրթահամալիրի հետ կապված: Մասնավորապես` անդրադառնալով կրթահամալիրում տիրող իրավիճակին` նա հանձնարարեց կրթության և գիտության, պաշտպանության նախարարներին` երկօրյա ժամկետում ամփոփել «Փոքր Մհեր» կրթահամալիր» ՊՈԱԿ-ում ԿԳՆ-ի և ՊՆ-ի համատեղ հանձնաժողովի կողմից իրականացվող ուսումնասիրությունները և եռօրյա ժամկետում համապատասախան առաջարկություններ ներկայացնել:

Պաշտպանության նախարար Վիգեն Սարգսյանը նշեց, որ արդեն աշխատում են այդ ուղղությամբ: «Գաղափարն այն է, որ «Փոքր Մհեր» ավագ դպրոցը տեղափոխվի ՊՆ կառավարման ոլորտ և միավորվի «Մոնթե Մելքոնյան» վարժարանին: Դա ռազմական կրթության որակի կտրուկ բարձրացման ծրագրի շարունակությունն է»,- ասաց նա: