Խոսքը վերաբերում է 2014-ին. Լեւոն Մկրտչյանը՝ ԿԳՆ-ի ԾԻԳ-ում հայտնաբերված չարաշահումների մասին

Այսօր` կառավարության նիստից հետո, լրագրողները ԿԳ նախարար Լևոն Մկրտչյանից հետաքրքրվեցին, թե ի՞նչ չարաշահումներ է հայտնաբերել Վերահսկիչ պալատը: Լևոն Մկրտչյանը պատասխանեց, որ խոսքը վերաբերում է 2014-ին, և որ դատախազությունը սկսել է ուսումնասիրություններ, հարցին կարող է սպառիչ պատասխանել այն դեպքում, երբ իրավապահ մարմիններն ավարտեն ուսումնասիրությունները:

Հիշեցնենք, որ ՀՀ գլխավոր դատախազության պետական շահերի պաշտպանության վարչության կողմից ՀՀ Վերահսկիչ պալատի հրապարակած ընթացիկ հաշվետվության տվյալների հիման վրա իրականացրած ուսումնասիրությամբ պարզվել է, ԿԳՆ ԾԻԳ-ի պաշտոնյաների կողմից 2014թ. ընթացքում կնքված պայմանագրերի կատարման ընթացքում կազմված աշխատանքների հանձնման-ընդունման ակտերում մտցվել են իրականությանը ակնհայտ չհամապատասխանող տվյալներ, ինչպես նաև` հաստատվել պայմանագրի պայմաններին չհամապատասխանող հաշվետվություններ: Արդյունքում` իրականում չկատարված և խախտումներով կատարված աշխատանքների դիմաց նշված իրավաբանական և ֆիզիկական անձանց վճարված գումարներով պետությանը պատճառվել է առանձնապես խոշոր չափերի գույքային վնաս: