Բռնցքամարտի Երիտասարդների ԱԱ. Հայաստանի 4 ներկայացուցիչ կպայքարի քառորդ եզրափակչի համար

Սանկտ-Պետերբուրգում ընթացող բռնցքամարտի աշխարհի երիտասարդների առաջնությունում Հայաստանը ներկայացնող մարզիկներից  այսօր ռինգ դուրս եկավ միայն 60 կգ քաշային Նարեկ Հովհաննիսյանը, ով իր 2-րդ հաղթանակը տոնեց: Հովհաննիսյանը  3:0 հաշվով առավելության հասավ ավստրացի Սիբուրն Բալեյի նկատմամբ և դուրս եկավ 1/8 փուլ: Հայտնում է ՀԲՖ մամուլի ծառայությունը: 

Հիշեցնենք, որ աշխարհի երիտասարդների առաջնությունում Հայաստանի ներկայացուցիչներից պայքարը շարունակում են նաև 49 կգ քաշային Արսեն Աբգարյանը, 52 կգ քաշային Ժիրայր Սարգսյանը և գերծանր քաշային Գուրգեն Հովհաննիսյանը: Աբգարյանն ու Սարգսյանը վաղը կպայքարեն քառորդ եզրափակչի համար, իսկ Նարեկ Հովհաննիսյանն ու Գուրգեն Հովհաննիսյանը 1/8 փուլի մենամարտերը կանցկացնեն նոյեմբերի 22-ին: