Միասին կարող ենք մեծ հաջողությունների հասնել․ Հենրիխ Մխիթարյան

Ֆուտբոլի Հայաստանի ազգային հավաքականի և անգլիական «Մանչեսթեր Յունայթեդ»-ի կիսապաշտպան Հենրիխ Մխիթարյանն այսօր նշանակվեց ՅՈւՆԻՍԵՖ-ի բարի կամքի դեսպան։ Միջոցառումից հետո նա լրագրողների հետ խոսեց ազգային հավաքականի նորանշանակ մարզիչ Արթուր Պետորսյանի մասին։

«Արթուր Պետորսյանն ինձ համար եղել է հավաքականի լավագույն ֆուտբոլիստներից մեկը, եթե ոչ` լավագույնը։ Միշտ հպարտացել եմ նրանով և աջակցություն եմ ստացել նրանից, երբ դեռ փոքր էի։ Սկսելով նրա հետ աշխատել` շատ մեծ տպավորություն ունեմ, քանի որ նա ֆուտբոլային շատ մեծ գիտելիքներ ունի։ Կարծում եմ` միասին կարող ենք հասնել մեծ հաջողությունների։ Ինձ համար պատիվ է աշխատել այդպիսի մարզիչների հետ, որովհետև գիտեմ, որ կարող է հավաքականին ինչ-որ բան տալ»,- ասաց Մխիթարյանը։