Սուրիկ Խաչատրյանը դրսից ստացած ինչ-որ թուղթ ուներ, որն էլ ներկայացնում էր իբրև դոկտորի կոչում

Սյունիքի նախկին մարզպետ Սուրիկ Խաչատրյանի` դոկտորի կոչում ունենալ-չունենալու լուրերն արդեն հոգնեցրել են  ԲՈՀ-ի նախագահ Լիլիթ Արզումանյանին: Այսօր նա լրագրողներին ասաց, որ պաշտոնապես քանիցս հայտարարել է, որ Սուրիկ Խաչատրյանը չունի դոկտորի կոչում, և պնդում է իր տեսակետը:

«Հայաստանում նման պաշտպանություն տեղի չի ունեցել: Նա ուղղակի դրսից ստացած ինչ-որ անկապ թուղթ ուներ, որն էլ ներկայացնում էր իբրև պաշտոնական փաստաթուղթ»,- ասաց Արզումանյանը` հավելելով, որ, առհասարակ, չի հասկանում, թե ինչո՞ւ են պաշտոնյաներն անպայման ուզում ինչ-որ կոչում ունենալ:

«Գիտական այս կամ այն աստիճան պետք է ունենա միայն նա, ով գիտությամբ է զբաղվում»,- համոզված է ԲՈՀ-ի նախագահը: