ՀԷՑ-ի նկատմամբ հարուցված վարչական վարույթը կկարճվի

Նոյեմբերի 7-ին հանրային ծառայությունները կարգավորող հանձնաժողովը կքննարկի «Հայաստանի էլեկտրական ցանցեր» ՓԲԸ-ի նկատմամբ հարուցված վարչական վարույթը կարճելու մասին որոշման նախագիծը:

Համաձայն նախագծի՝ ՀԷՑ-ի կողմից 2016 թ-ի 2-րդ եռամսյակի համար ՀԾԿՀ-ին ներկայացված սպառողների էլեկտրամատակարարման ընդհատումների մասին տեղեկատվության և ընկերության ներկայացուցիչների հետ համատեղ՝ «1-80» ծառայության արձանագրած հեռախոսազանգերի, ինչպես նաև կարգավարական ծառայությունների օպերատիվ մատյանների գրառումների համադրման արդյունքում ի հայտ են եկել մի շարք անճշտություններ և անհամապատասխանություններ. Հենց այդ հիմքով հանձնաժողովը 2016 թվականի սեպտեմբերի 27-ից ընկերության նկատմամբ հարուցել էր վարչական վարույթ՝ Տեղեկատվության հավաստիության ուսումնասիրության նպատակով:

ՀԾԿՀ-ի կայքից տեղեկանում ենք, որ հոկտեմբերի 5-ի ՀԷՑ-ը հանձնաժողով է ներկայացրել տեղեկատվությունում հայտնաբերված անճշտությունների վերաբերյալ իր պարզաբանումներն, ինչից հետո հանձնաժողովը տասն օրով երկարաձել է վարչական վարույթի ժամկետը: Հոկտեմբերի 31-ին ընկերությունը հանձնաժողով է ներկայացրել տեղեկատվության ճշգրտված տարբերակը՝ միաժամանակ հայտնելով, որ Տեղեկատվության հավաստիության բարձրացման նպատակով սկսել է սպառողների հոսանքազրկման հաշվառման հետ կապված հաշվետվությունների կազմման կարգի մշակման և էլեկտրոնային օպերատիվ մատյանների ներդրման աշխատանքները: