10000 դրամով դեպի Մոսկվա թռիչքների իրականացումը նախադեպ է. քաղավիացիայի վարչության պետ

Ռուսական «Պոբեդա» ավիաընկերության կողմից 10000 դրամով դեպի Մոսկվա թռիչքների իրականացումը նախադեպ պետք է դառնա. այսօր կառավարությունում լրագրողների հետ ճեպազրույցում ասաց Քաղաքացիական ավիացիայի գլխավոր վարչության պետ Սերգեյ Ավետիսյանը:

Ըստ նրա՝ մատչելի գինը պայմանավորված է նրանով, որ, կառավարության որոշմամբ, Գյումրու օդանավակայանից մեկնող օդանավերի համար պետտուրքի պահանջը հանվել է:

Նշված ավիաընկերությունը «Շիրակ» օդանավակայանից չվերթեր կիրականացնի Boeing-737-800 ինքնաթիռներով, որոնք նախատեսված են շուրջ 180 ուղևորի համար:

Ավետիսյանի խոսքով՝ մատչելի չվերթերի շնորհիվ «Շիրակ» օդանավակայանը մրցակցային առավելություն կունենա: