Ցեղասպանության նվիրված համերգը, որին հրավիրվել էր Էրդողանը, չեղարկվել է

Գերմանիայի ԱԳ նախարարությունը հայտարարել է, որ Հայոց ցեղասպանության 100-րդ տարելիցին նվիրված «Աղետ» համերգը, որը պետք է կայանար Ստամբուլի գերմանական հյուպատոսարանում, չեղարկվել է:

Ըստ Demokrathaber-ի՝ այդ մասին հայտարարությամբ հանդես եկած նախարարությունը համերգի չեղարկման պատճառ է ներկայացրել հյուպատոսարանում սրահների զբաղվածությունը՝ մինչև նոյեմբերի 13-ը:

Նախարարությունը համերգի կայացման նոր ամսաթվի մասին տեղեկություն չի հաղորդել:

Նշենք, որ Հայոց ցեղասպանությանը նվիրված համերգին հրավիրվել էին թուրք բարձրաստիճան պաշտոնյաներ, այդթվում՝ երկրի նախագահ ռեջեփ Թայիփ Էրդողանը: Վերջինս համերգին մասնակցել-չմասնակցելու մասին ոչ մի տեղեկություն չէր հայտնել: