ԱԻՆ-ն իր առջև դրված խնդիրներն ինչպես կատարել է, այնպես էլ կատարելու է. Արմեն Երիցյան

Արտակարգ իրավիճակների նախարար Արմեն Եիցյանը շարունակելու է աշխատել այնպես, ինչպես աշխատել է նախկինում: Այս մասին նախարարն ասաց այսօր խորհրդարանում լրագրողների հետ զրույցում: «Մենք տարբեր երկրների հետ աշխատում ենք և մեր առջև դրված խնդիրները բոլորս միասին փորձում լուծել»,- ասաց նա:

Հարցին, թե նոր վարչապետը առաջադրե՞լ է նոր խնդիրներ, Երիցյանը պատասխանեց. «Ընդհանուր առմամբ, այո, բայց մենք մեր խնդիրները զեկուցել ենք և գնում ենք առաջ»:

Խոսելով կոնկրետ խնդիրների մասին՝  նախարարն ասաց, որ դրանք վերաբերում են 9-11 ծառայությանը, ճգնաժամային կառավարման ծառայությանը, ազգաբնակչության օգնությանը և այլն: «Մի խոսքով` ԱԻՆ-ն իր առջև դրված խնդիրները ինչպես կատարել է, այնպես էլ կատարելու է»,- ասաց նա: