Վիգեն Սարգսյանը զինված ուժերում ծառայել է

ՀՀ պաշտպանության նախարարի պաշտոնում Վիգեն Սարգսյանի նշանակումից առաջ և հիմա համացանցում բուռն քննարկումների առիթ է դարձել նրա՝ բանակում ծառայած լինել-չլինելու հարցը: Նորանշանակ նախարարի կենսագրության մեջ նշված է, որ նա 2000–2003 թթ. ծառայության է անցել ՀՀ զինված ուժերում, եղել է ՀՀ պաշտպանության նախարարի ռեֆերենտը։

Yerkir.am-ի հետ զրույցում ՀՀ ՊՆ մամլո խոսնակ Արծրուն Հովհաննիսյանը նշեց, որ Սարգսյանը, որպես ռեֆերենտ, ծառայության է անցել նախարարությունում, ինչը ևս ծառայություն է:

Նշենք, որ Վիգեն Սարգսյանը պարգևատրվել է Հայաստանի Հանրապետության պաշտպանության նախարարության «Անդրանիկ Օզանյան» մեդալով (2008), Մովսես Խորենացու մեդալով (2007), «Հայրենիքին մատուցած ծառայությունների համար» 1-ին (2015) և 2-րդ աստիճանի (2013) մեդալներով: