«Գյումրեցու ոգի» կուսակցության շտաբում գրանցված մահվան դեպքից հետո շտաբը փակվել է

Արդեն տեղեկացրել ենք, որ այսօր՝ հոկտեմբերի 2-ին, ժամը 12.49-ին ԱԻՆ-ում ահազանգ է ստացվել, որ Շիրակի մարզի Գյումրի քաղաքի Պարույր Սևակի փողոցի թիվ 9 հասցեում վերելակի ճաղավանդակի և պատի արանքում դի կա, որը դուրս բերելու համար անհրաժեշտ է փրկարարների օգնությունը:

Պարզվել է, որ Անի թաղամասի Պարույր Սևակի փողոցի թիվ 9 հասցեում 1949 թ. ծնված Ա. Չ.-ը մնացել է ինքնաշեն վերելակի ճաղավանդակի ու հարակից պատի արանքում և մահացել: Վերելակը հաշվառված չէ «Տեխնիկական անվտանգության ազգային կենտրոն» ՊՈԱԿ-ում և չունի համապատասխան թույլտվություն:

Ինչպես տեղեկացնում է «Հայկական ժամանակ»-ը, դեպքը տեղի է ունեցել «Գյումրեցու ոգի» կուսակցության շտաբում:

Yerkir.am-ի թղթակիցներն այցելել են շտաբ, բայց այն փակ է եղել: Մոտակայքում էլ մարդ չի եղել: