Ակտիվություն ու լարվածություն կա. հանձնաժողովի նախագահ

Արդեն հայտնել ենք, որ այսօր հանրապետության մի շարք համայնքներում ընթանում են տեղական ինքնակառավարան մարմինների ընտրություններ: Yerkir.am-ի՝ Գյումրիում աշխատող թղթակիցները շրջել են ընտրատեղամասերով և հետևել ընտրությունների ընթացքին:

Գյումրիի մանկավարժական համալսարանում տեղակայված 34 /03 ընտրատեղամասի հանձնաժողովի նախագահ Սայաթ Մինասյանը Yerkir.am-ի հետ զրույցում ասաց, որ բնական է համարում, որ կարող են լինել նաև լարված միջադեպեր:

«Համայնքի ղեկավարի ընտրություններ են՝ մեծաքանակ քաղաքական ուժերի մասնակցությամբ, և բնական է, որ կլինեն այդպիսի լարվածություններ, ակտիվություն կա, լարվածություն և պատասխանատվություն, շահագրգռվածություն: Անշուշտ, հեշտ ընտրություններից չէ, իսկ ընտրությունների ընթացքում թերություններ, վրիպումներ, բնականաբար, կան, կլինեն»,- ասաց Մինասյանը:

Նշենք նաև, որ մանկավարժական համալսարանի շրջակայքում պարբերաբար նկատվում են մարդկային կուտակումներ: