Կատու մի´ փնտրեք այնտեղ, որտեղ չկա. Շարմազանով

Այսօր ԱԺ արտահերթ նիստում, ուր քննարկվում էր ֆինանսական համահարթեցման մասին օրենքում փոփոխություններ անելու հարցը, արտահերթ ելույթով հանդես եկավ ԱԺ նախագահի տեղակալ Էդուարդ Շարմազանովը` ցանկանալով հակադարձել այն ելույթներին, որոնցում հնչեցին քաղաքական դատողություններ: Նա կոչ արեց ընդդիմադիրներին` ռուբիկոններ չգծել:

«Մենք բարեփոխումների փուլում ենք, այլ ոչ` սեպտեմբերյան հեղափոխության: Այնպես չէ, որ հին կառավարությունը վատ էր աշխատում, և մենք հիմա պետք է սրբենք, քանդենք: Կա շարունակականության, բարեփոխումների խնդիր, և դա անողը մենք ենք: Կատու մի\' փնտրեք այնտեղ, որտեղ չկա, մանավանդ, որ կատուն ձեր ուսերին է: 99թ.-ից այն կողմ բոլոր կառավարությունների քաղաքական պատասխանատուն եղել և մնում է Հանրապետականը, մենք և\' դրականի, և\' բացասականի պատասխանատուն ենք: Մենք թե\' հնի, թե\' նորի տերն ենք»,- ասաց Շարմազանովը: